Вход  RSS

ХАБЗЭ

 

Псори Зыщ - псори Хыщ.   Хым и бзэр - зыбзэщ.   Хым и бзэр - Хабзэщ

Главная » Статьи » Статьи

Хабзэ. Зекlуэкlэ Хабзэ
 
ХАБЗЭ. ЗЕКlУЭКlЭ ХАБЗЭ
 
 
1. Цlыхуитl зэщlыгъуу кlуэмэ, нэхъыщlэр сэмэгумкlэ щытын хуейщ.    

2. Цlыхуищ зэгъусэмэ, нъэхъыжьыр яку дэтын хуейщ, абы къыкlэлъыкlуэр сэмэгумкlэ, нэхъыщlэ дыдэр ижьымкlэ мэув. Ар къызыхэкlыр нэхъыщlэр зыщlыпэ ягъакlуэми, къэнахэм я увыпlэр ямыхъуэжу къэнэжын папщlэ. Шухэми я увыкlэр апхуэдэщ.
 
3. Цlыхуиплl зэгъусэмэ, нэхъыжьым къыкlэлъыкlуэр сэмэгурабгъумкlэ мэув,  нэхъыжьым и ижьрабгъум – ныбжькlэ ещанэр, и гъунэ дыдэм нэхъыщlэр мэув, ар lукlми зыми зимыхъуэжу щытыкlэр къонэж. Сэмэгумкlэ щытыр lукlмэ, нэхъыжьым и ижьымкlэ къыщытыр абы и пlэ къоувэри щытыкlэр тэрэз мэхъуж (лъэбакъуэкlэ зыкъыкlэрегъэхури мэув нэхъ ипlэкlэ кlуэуэ нэхъыжьым и гъуэгу зэпиупщlкъым, зэрани хъуркъым).
 
4. Дапхуэдиз цlыху зэмыгъусэми, увыкlэм и гупсысэкlэр аращ - нэхъыщlэр lукlмэ, нэхъыжьхэм я увыпlэр ямыхъуэжыну.
 
5. Увыкlэр зэхуэдэщ цlыхухъухэми бзылъхугъэхэми.
 
6. Цlыхухъурэ бзылъхугъэрэ зэщlыгъуу кlуэмэ, ижьырабгъур бзылъхугъэм ират, и ныбжьым емылъытауэ. Ауэ цlыхухъум и щхьэгъусэр сэмэгурабгъумкlэ щытщ.
 
7. Цlыхухъуитlрэ зы цlыхубзрэ зэгъусэу кlуэмэ, цlыхубзыр, сыт имыныбжьми, яку дэтын хуейщ. Цlыхухъу нэхъыжьыр сэмэгумкlэ, нэхъыщlэр ижьымкlэ къыщыту. Ар къызыхэкlыр нэхъыщlэр зыщlыпlэ ягъакlуэмэ къэнахэм я увыпlэр ямыхъуэжу къанэжын папщlэ.
 
8. Цlыхубзитlым зы цlыхухъу зэгъусэу кlуэмэ, ар яку дэтын хуейщ, и ныбжьым емылъытауэ. Ауэ а цlыхубзхэм щlалэм и анэр хэтмэ, ар яку дэтщ, и къуэр сэмэгумкlэм мэув.
 
Адыгэ Хабзэ