Вход  RSS

ХАБЗЭ

 

Псори Зыщ - псори Хыщ.   Хым и бзэр - зыбзэщ.   Хым и бзэр - Хабзэщ

Главная » Статьи » Статьи

Адыгэ Ныпым и Хъуэхъу. Гимн Черкесскому флагу

Адыгэ Ныпым и Хъуэхъу


И нэзыр жьым дэхуарзэу,

Хуарзэу щlалэ жаным къиlыгъыу,

Къеплъыр дэбыбатэу,

Къещэр ебыбэхыу,

Зэlэпахыу,

Зэпалъытэу,

Зэрылъытэ - лъэпкъым и напэу,

Гуфlэгъуэм хуаlэту,

Фlыгъуэм хуагъаlэу,

Зыхуаlэтыр хасэ щыпкъэу,

Пщыжь унафэ уасэу,

Илъэсищэхэр зэпыту,

Къыпызыщэр нэхъыбэжу

Адыгэ Ныпыр щыlэну сохъуахъуэр,

Хъуэхъум я нэхъыфlыр Тхьэм къырипэс!


*   *   *

Адыгэ ныпыр дыгъэм пэлыдрэ,


Кавказ къуршыжьхэр къыпэлыдыжу,


Уафэм дэтхьеймэ ди Шыхулъагъуэу,


Щlылъэм къетхьэхмэ ди гъуазэу,


Жьы къабзэм бгъэ лъэщу дэхуарзэу,


Гуфlэгъуэ махуэхэм хуэтlэту,


Гузэвэгъуэ махуэхэм дызэхуишэу


Шабзищыр мамырыгъэм и телъхьэу,


Вагъуэхэр мыужьыхыжу къаблэу,


Дыщэпскlэ дарэ мыукъуейуэ,


Емыбэкъуэхрэ дэбэкъуейуэ,


Гъагъэрэ нэр итхьэкъуу пщlыпщlу,


Уардагъэр и кlэрыщlэн зэпыту,


Жьыбгъэ бзаджэм и къарур икъутэрэ,


Езыр зыми яхуэмыубзытэу,


lуащхьэмахуэ и щыгум щыхуарзэу

,
Лъэпкъ зэбгырыдзар зы дищlыжарэ,


И жьауэм афlэкlа дыщlэмыкlыжу,


Мафlэ зыгъэхуабэр мыункlыфlыжу


Адыгэ ныпыр Тхьэм тхуэмахуэн ищl!





Адыгэ Хабзэ